ہری پور (رپورٹ: عتیق سلیمانی) یونیورسٹی آف ہری پور کا اکلوتا واک تھرو گیٹ عرصہ دراز سے خراب ہے۔ زرائع کے مطابق سیکیورٹی ناقص ہونے کی وجہ سے ہزاروں طلباء کی زندگیاں داؤ پر لگی ہیں۔ یونیورسٹی سٹاف، طلباء اور وزٹرز واک تھرو گیٹ کو استعمال ہی نہیں کرتے۔ واک تھرو گیٹ دھات اور اسلحہ وغیرہ کی نشاندہی کے قابل ہی نہیں ہے۔ طلباء کی چیکنگ پرانے روایتی طریقے سے ہی کی جاتی ہے۔ روایتی چیکنگ کی وجہ سے عملے اور طلباء میں توں تکرار روز کا معمول بن گئی ہے۔ خراب واک تھرو گیٹ انتظامیہ اور اداروں کو بے وقوف بنانے کے لیے رکھا گیا ہے۔
