ٹنڈوالہیار (نامہ نگار) ٹنڈوالہیار جعلی اے ایس پی گرفتار، 40 کروڑ روپے فراڈ کا مقدمہ درج، جعلی اے ایس پی کو گرفتار کر کے وردی بھی برآمد کر لی گئی، ملزم کے خلاف چالیس کروڑ روپے فراڈ کرکے ہتھیانے کے الزام میں مقدمہ درج کر لیا گیا ہے۔ تفصیلات کے مطابق ڈی ایس پی سٹی شاہنواز میمن نے اپنے آفس میں پریس کانفرنس کرتے ہوئے بتایا کہ ٹنڈوالہیار کے زمیندار عبدالرزاق دل نے تھانہ بی سیکشن پر مقدمہ درج کروایا کہ فاروق بہرانی نامی شخص خود کو اے ایس پی ظاہر کرتا ہے اور کہتا ہے بلوچستان میں اس کی پوسٹنگ ہے جس پر ایس ایس پی رخسار کھاوڑ کی اجازت سے سی آئی اے اور بی سیکشن پولیس نے مشترکہ کاروائی کرتے ہوئے جعلی پولیس آفیسر کو ساتھیوں سمیت گرفتار کرکے جعلی وردی برآمد کرلی، ملزم فاروق بہرانی خود کو اے ایس پی ظاہر کر کے لوگوں سے کروڑوں روپے کا فراڈ کر چکا ہے۔
