میرپورخاص (رپورٹ: ایم ہاشم شر) سرکل انچارج اینٹی کرپشن میرپورخاص خدا بخش تھیبو کا جوڈیشل مجسٹریٹ شاہ نواز مری کے ہمراہ ڈسٹرکٹ بلڈنگ ورکس اینڈ سروس ڈیپارٹمنٹ کے دفتر میں چھاپہ مار کے ڈیڑھ سال کا ریکارڈ تحویل میں لے لیا گیا ہے۔ اس حوالے سے سرکل انچارج اینٹی کرپشن نے بتایا کہ سرکاری بلڈنگز کے ٹھیکوں کی مد میں خرد برد کی اطلاعات ہیں، مذکورہ محکمے نے بغیر شیڈول کے اس کام کو شروع کیا اور ناقص میٹیریل استعمال کرنے اور کام کو پایا تکمیل تک پہنچائے بنا بل پاس کر گئے تھے ان الزامات کی بنا پر کارواٸی کی گئی ہے، تفتیش کے بعد مزید قانونی کاروائی کی جائے گی۔
