پورٹ لوئیس/ موریشس (رپورٹ: محمّد عمر) موریشس کی قومی اسمبلی کو تحلیل کردیا گیا نئے انتخابات چار ہفتوں کے اندر کروائیں جائیں گے۔ ملک میں نئے انتخابات 7 نومبر کو ہونگے۔ موریشس کی اسمبلی کے تحلیل ہوتے ہی موریشس میں تمام سیاسی جماعتوں نے الیکشن مہم کا آغاز کردیا ہے اور عوامی رابطے شروع کردیے ہیں۔ جبکہ ملیٹنٹ سوشلسٹ موومنٹ (موومنٹ سوشلسٹ موریشین) اور موریشین لیبر پارٹی کے درمیان کانٹے کے مقابلے کی توقع ہے۔ واضح رہے کہ دونوں بڑی جماعتوں کو حصول اقتدار کے لئے چھوٹی جماعتوں کی ضرورت ہوگی جس کے لئے جوڑ توڑ کا سلسلہ جاری ہے۔
