کراچی (رپورٹ: ذیشان حسین) پاکستانی ٹیم کے ہیڈ کوچ اور چیف سلیکٹر مصباح الحق نے کراچی اسٹیڈیم میں پریس کانفرنس کرتے ہوئے کہا کہ سری لنکا کی ٹیم کا پاکستان آنا بہت خوش آئند ہے۔ پاکستان میں طویل عرصے بعد انٹرنیشنل کرکٹ ہونے جا رہی ہے۔ پاکستانی کرکٹ شائقین طویل عرصے سے اس وقت کا انتظار کر رہے تھے۔ امید ہے کہ شائقین کو اچھی کرکٹ دیکھنے کو ملے گی۔ ان کا کہنا تھا کہ سری لنکا کے پاس ایسے کھلاڑی ہیں جو کسی بھی ٹیم کو سرپرائز کر سکتے ہیں۔ پاکستانی ٹیم کے ہیڈ کوچ نے کہا کہ روٹیشن پالیسی کارکردتی پر منحصر ہوتی ہے۔
