میاں چنوں میں نویں محرم الحرام کا جلوس اپنے راستوں سے ہوتا ہوا اختتام پذیر، سیکورٹی کے سخت انتظامات کیے گئے تھے

میاں چنوں (رپورٹ: مہر شاہد عباس سیال) میاں چنوں میں مرکزی امام بارگاہ سے 9 ویں محرم کا جلوس برآمد کل اپنے مقرہ وت پر برامد ہوا جلوس میں شبیہ علم غازی عباس علمدار اور شبییہ زیارات کربلا موجود تھی- جبکہ میاں چنوں کے مختلف حلقوں میں نوحہ خوانی، سوز و سلام کا سلسلہ بھی جاری رہا جلوس کے راستے میں شربت اوردودھ کی سبیلیں اور لنگر کا انتظام بھی کیا گیا تھا- رات بھر ماتم داری جاری رہی جبکہ مرکزی جلوس علامہ اقبال روڈ سے ہو کر پریس کلب روڈ پہنچا جہاں مجلس عزا منعقد ہوئی- بستی مسان سے شبیہ جھولا حضرت علی اصغر کے جھولے کو جلوس کی صورت میں مرکزی امام بارگاہ پہنچا دیا گیا رات 2 بجے امام بارگاہ سے شبیہ جھولا اور شبیہ علم کی برآمدگی ہوئی- امام بارگاہوں کو جانے والے تمام راستے مکمل طور سیل کیے گئے تھے اور فول پروف سیکورٹی کا بندوبست کیا گیا تھا-