راولپنڈی (بیورو رپورٹ) پاک فوج کے شعبہ تعلقات عامہ (آئی ایس پی آر ) کے مطابق بارودی سرنگ کے دھماکے میں شہید ہونے والے میجر عدیل کی نماز جنازہ میں وزیراعلیٰ سندھ، کور کمانڈر کراچی اور شہریوں کی بڑی تعداد نے شرکت کی۔ شہید کو پورے فوجی اعزاز کے ساتھ سپر دخاک کیا گیا۔ یاد رہے کہ چند روز قبل پاک افغان سرحد پر بارودی سرنگ کا دھماکا ہوا تھا جس میں پاک فوج کا ایک افسر اور ایک سپاہی شہید ہوگیا تھا۔ دھماکا اس وقت ہوا تھا جب پاک فوج کا دستہ سرحد پر باڑ لگانے کے کام کی نگرانی کر رہا تھا۔
