راولپنڈی (بیورو رپورٹ) آرمی چیف جنرل قمر جاوید باجوہ نے دو آرمی اور ایک سویلین افسر کی سزا کی توثیق کردی ہے۔ پاک فوج کے شعبہ تعلقات عامہ (آئی ایس پی آر) کے مطابق آرمی افسران اور سویلین افسران کو جاسوسی کے الزام میں سزا دی گئی تھی۔ مجرمان نے حساس معلومات دوسرے ممالک کو لیک کی تھیں۔ آئی ایس پی آر کے مطابق لیفٹینٹ جنرل (ر) جاوید اقبال کو 14 سال قید کی سزا دی گئی ہے۔ جبکہ بریگیڈیر (ر) راجہ رضوان اور ڈاکٹر وسیم اکرم کی سزائے موت کی توثیق کردی گئی ہے۔
