میرپورخاص (رپورٹ: ایم ہاشم شر) میرپورخاص کھلے گٹر نے ایک پھول جیسے بچے کی جان لے لی۔ تفصیلات کے مطابق لطیف ٹاؤن سبزی منڈی روڈ پر چھ سالہ بچہ مصطفی ولد عرفان کھلے ہوۓ گٹر میں گر کر جانبحق ہوگیا۔ بچے کے چچا نے بتایا کہ بچے کی والدہ گھر میں نماز پڑھ رہی تھی بچہ کھیلتے ہوئے گلی میں کھلے گٹر میں گر گیا۔ شہر بھر میں جگہ جگہ کھلے گٹر نالے بچوں کے لئے موت کی لٹکتی ہوئی تلوار ثابت ہورہے ہیں تین ماہ کے اندر یہ تیسرا واقعہ ہے اس کے قبل بھی دو معصوم بچے گٹر میں گر کر جانبحق ہوچکے ہیں۔ بچے کی موت پر والدین غم سے نڈھال ماحول سوگوار۔
