کراچی (رپورٹ: ذیشان حسین) کمشنر کراچی نے نیشنل اسٹیڈیم کا میں میڈیا نمائندگان سے گفتگو کرتے ہوئے کہا کہ کراچی میں بسنت فیسٹیول منانے کی اجازت نہیں دی جائے گی اور اگر کسی نے ایسا کیا تو اس کے خلاف قانون کے مطابق کاروائی عمل میں لائی جائے گی، اگر کوئی اپنی چھت پر پتنگ بازی کرنا چاہے تو ہمیں کوئی اعتراض نہیں ہوگا لیکن بسنت فیسٹیول کسی کو نہیں منانے دیں گے۔ دوسری جانب کراچی ڈسٹرکٹ ایسٹ کے چیئرمین معید انور نے کہا ہے کہ گلشن اقبال میں بسنت میلے کو رکوانے کی ہدایت کردی گئی ہے جب کہ پولیس کو بھی اس ضمن میں ہدایت جاری کردی گئی ہے، پی ایس ایل فور نیشنل اسٹیڈیم کا کام 28 فروری تک مکمل ہوجاۓ گا۔
