گجرات (رپورٹ: مرزا عادل رحمان) گجرات بار میں کشمیریوں سے اظہار یکجہتی کیلئے کشمیر کانفرنس کا انعقاد۔ صدارت صدر ڈسٹرکٹ بار ایسوسی ایشن گجرات چوہدری شمشاد اللہ ملہی ایڈووکیٹ نے کی جبکہ سیکرٹری بار چوہدری عدنان صدیق ایڈووکیٹ نے نظامت کے فرائض سرانجام دیے۔ وزیر قانون آزاد جموں و کشمیر حاجی جاوید اختر و کابینہ بار نے بار ہال میں کشمیری اور پاکستانی پرچم لہرایا۔ وزیراعظم آزاد جموں و کشمیر راجہ فاروق حیدر نے گجرات بار کشمیر کانفرنس سے ٹیلیفونک خطاب کیا۔ وزیر قانون آزاد جموں و کشمیر حاجی جاوید اختر نے وزیراعظم آزاد جموں و کشمیر کی جانب سے بار ہال کی تعمیر کے لیے ایک کڑور روپے فنڈ کا اعلان کیا۔ صدر گجرات بار چوہدری شمشاد اللہ ملہی ایڈووکیٹ نے کشمیریوں کے حق میں قرارداد پیش کی گئی جس کو متفقہ طور پر منظور کیا گیا پیش کی جانے والی قراداد جس کا متن تھا کہ ایوان بھارت کی طرف سے مقبوضہ کشمیر میں کالے قوانین کے نفاذ کی مذمت کرتا ہے عالمی برادری و اقوام متحدہ کشمیری اعوان کی ان کا حق خودارادیت دلائے، گجرات بار کشمیریوں کی آزادی تک جدوجہد جاری رکھیں گے۔
