ڈیرہ اسماعیل خان (رپورٹ: گوہر غنچہ) شادی کی تقریب کے دوران زور دار پٹاخے کے دھماکوں پر پولیس کی کاروائی، محلہ حضرت بلال سے دو افراد کو دھرلیا گیا- ایس ایچ او سٹی محمد جاوید مروت نے ڈیرہ شہرکے محلہ حضرت بلال میں شادی کی تقریب کے دوران زور دار پٹاخے کے دھماکوں سے شہریوں میں خوف و ہراس پھیلانے پر کاروائی کرتے ہوئے دو افراد عمار اور راشد سعید کو گرفتارکرلیا۔ پولیس نے دونوں افراد کے خلاف ہوائی فائرنگ ایکٹ کے تحت مقدمہ درج کرلیا۔
