ڈیرہ اسماعیل خان ( رپورٹ: گوہر غنچہ) تھانہ پہاڑپور کی حدود کوٹلہ لودھیان میں غیرت کے نام پر قتل کی سنگین واردات، دیور نے گھر کے اندر بھابھی کو اندھا دھند فائرنگ کرکے موت کے گھاٹ اتار دیا، ملزم ارتکاب جرم کے بعد جائے وقوعہ سے فرارہونے میں کامیاب، لاش پوسٹ مارٹم کے بعد ورثا کے حوالے کردی گئی، پولیس نے مقتولہ کے بھائی کی رپورٹ پر ملزم کے خلاف قتل کا مقدمہ درج کرلیا۔علاقہ کوٹلہ لودھیان میں ملزم محمد اکرم ولد محمد ہاشم نے غیرت کے نام پر گھر کے اندر موجود اپنی 33 سالہ بھابھی کو اندھا دھند فائرنگ کرکے قتل کردیا اور موقع سے فرار ہوگیا۔ مقتولہ کی لاش کو ہسپتال منتقل کیا گیا جہاں پوسٹ مارٹم کے بعد لاش لواحقین کے حوالے کردی گئی۔ مقتولہ کے بھائی نے پولیس کو بتایا کہ اس کی بہن ایک نوجوان کے ساتھ تعلق کی بنا پر بدنام ہوئی تھی جسکا خانگی فیصلہ بھی ہوچکا تھا۔ پولیس نے مقتول کے بھائی محمد الطاف کی رپورٹ پر ملزم کے خلاف قتل کا مقدمہ درج کرلیا
