کراچی، (ذیشان حسین /اسٹاف رپورٹر) لیاری سے رکن قومی اسمبلی نبیل گبول کے استعفے سے متعلق گردش کرنے والی خبروں کی سختی سے تردید کی گئی ہے۔ نبیل گبول کے بیٹے اور ترجمان سندھ حکومت نادر گبول نے واضح کیا ہے کہ نبیل گبول اپنے عہدے سے استعفیٰ نہیں دے رہے اور بدستور اپنے حلقے کے عوام کی خدمت جاری رکھیں گے۔
نادر گبول نے کہا کہ نبیل گبول عوامی خدمت کے جذبے کے ساتھ اپنی ذمہ داریاں ادا کر رہے ہیں، استعفے سے متعلق رپورٹس بدنیتی پر مبنی اور من گھڑت ہیں۔ ان کا مزید کہنا تھا کہ پاکستان پیپلزپارٹی لیاری کے عوام کی خدمت کے لیے پرعزم ہے اور جھوٹی افواہوں یا سازشوں سے اپنی راہ سے نہیں ہٹائی جا سکتی۔
