کراچی (رپورٹ: ذیشان حسین) سندھ حکومت کے ترجمان مشیر قانون، ماحولیات و ساحلی ترقی بیرسٹر مرتضی وہاب نے وفاقی بجٹ کو الفاظ کا گورکھ دھندہ قرار دے دیا۔ بیرسٹر مرتضی وہاب کا کہنا تھا کہ سلیکٹڈ حکومت نے بجٹ میں صرف سلیکٹیڈ لوگوں کو سہولیات دیں۔ سرکاری ملازمین کی تنخواہوں اور مراعات میں دس فیصد اضافہ ناکافی ہے۔ چھوٹے صوبوں بلخصوص سندھ کے عوام کو اس بجٹ میں بھی نظر انداز کیا گیا۔ ستر فیصد سے زائد ریونیو دینے والے صوبے کے لئے کوئی میگا منصوبہ نہیں۔ ملکی عوام کو بے پناہ بیروزگاری، غربت اور مہنگائی کا سامنا ہے۔ عام آدمی کے لئے بجٹ میں کوئی رلیف نہیں، سواۓ جعلی اعداد و شمار کے۔ بجٹ عوامی امنگوں کے برخلاف ہے۔ نااہل حکومت نے عوام کو مہنگائی کا تحفہ دیا ہے۔ وفاقی بجٹ ملکی عوام کے لئے مزید مہنگائی کا سبب بنے گا۔
