سیالکوٹ (رپورٹ: نزہت شہناز) ڈسٹرکٹ اینڈ سیشن جج سیالکوٹ چودھری محمد طارق جاوید نے سینئر سول جج ایڈمن شاہدحمید چوہدری،اسسٹنٹ کمشنر سعید احمد منج ، سپرنٹنڈ نٹ جیل ساجد بیگ کے ہمراہ ڈسٹرکٹ جیل کا دورہ کیا اور اس موقع پرقیدیوں کے مسائل سنے اور کہا کہ حکومت کی طرف سے قیدیوں کو دی جانے والی سہولیات میں کمی بیشی نہ کی جائے بلکہ ان میں بہتری لائی جائے قیدیوں کی خوراک، ان کا طبی معائنہ شیڈول کے مطابق کیا جائے اور ان کو اچھی کوالٹی کی ادویات فراہم کی جائیں اور ان کو فنی تربیت بھی دی جائے۔ دورہ کے دوران ڈسٹرکٹ اینڈ سیشن جج چودھری محمد طارق جاوید سپرنٹنڈ نٹ جیل ساجد بیگ نے جیل کے مختلف بیرکوں کا دور ہ کیا۔ ججز اور ڈسٹرکٹ بار کے وکلاء بھی ہمراہ تھے۔
