کراچی (رپورٹ: ذیشان حسین) جمعیت علماء اسلام کے ڈپٹی سیکٹری حافظ احمد علی نے اپنے گارڈن پولیس ہیڈ کوارٹر میں منعقد چوہدری اسلم کی برسی پر منعقد تقریب سے خطاب کے دوران کہا ہے کہ چوہدری اسلم کی قربانی پوری پاکستانی قوم پر ایک احسان عظیم ہے۔ پولیس کے تمام افسران کو چوہدری اسلم کی زندگی سے سبق حاصل کرنا چاہیے چوہدری اسلم پولیس کے ہیرو تھے، انکے پاس جو بھی شخص روتا ہوا جاتا ہنستا ہوا واپس آتا، انکی برسی پر ہزاروں افراد کی آمد اور زندگی کے ہر شعبہ سے تعلق رکھنے والے افراد کی شرکت ان کے دوستانہ تعلق کی بڑی مثال ہے، اس موقع پر جمعیت علماء اسلام سندھ کے امیر پیر عبدالمنان انورنقشبندی، سیکریٹری اطلاعات، مفتی عابد، جمعیت علماء اسلام کراچی سرپرست اعلی ٰ پیر لیاقت علی شاہ ، جنرل سیکریٹری علامہ مولانا حماد مدنی، غلام مصطفی فاروقی، عبدالستار بلوچ، قاری عبدالوہاب انقلابی، ملک نعیم، ملک یونس، صابر گجر، زبیر قریشی، دستگیر گجر، غلام صمدنی گجر، ملک ناصر اور دیگر سیاسی مذہبی رہنماؤں نے ایس ایس پی چوہدری اسلم کی برسی کے موقع پر شرکت کی۔
