اسلام آباد (رپورٹ: محمد جواد بھوجیہ) آل پاکستان مسلم لیگ زرائع کا کہنا ہے کہ جہاں ایک طرف ڈاکٹر امجد آل پاکستان مسلم لیگ کی صدرات اور پارٹی کی بنیادی رکنیت سے مستعفی ہو چکے ہیں تاہم وہیں دوسری طرف ڈاکٹر امجد آل پاکستان مسلم لیگ کے سینٹرل سیکرٹریٹ پر بدستور قابض ہیں۔ زرائع کا کہنا ہے کہ ڈاکٹر امجد سے جب اس حوالے سے آل پاکستان مسلم لیگ کے رہنماوں نے دفتر چھوڑنے کی بات کی تو ڈاکٹر امجد کا کہنا تھا کہ مذکورہ دفتر میں وہ ایک کمرہ اپنی نئی رجسٹرڈ کردہ جماعت کے لیے رکھیں گے جہاں سٹاف بھی ان کا ہی ہوگا اور وہ کسی قیمت پر دفتر نہیں چھوڑیں گے۔ زرائع آل پاکستان مسلم لیگ کا مزید کہنا تھا کہ پارٹی کی جنرل سیکرٹری مہرین ملک اور دیگر اہم ترین عہدے داران نے ڈاکٹر امجد کی موجودگی میں اس دفتر میں نہیں بیٹھیں گے۔ وہیں مزید انکشافات سامنے آئے ہیں جنکے مطابق ڈاکٹر امجد اور آل پاکستان مسلم لیگ کے عہدے داران میں تلخ کلامی بھی ہوئی جس کے بعد ڈاکٹر امجد نے آل پاکستان مسلم لیگ کے عہدے داران کو دھمکیاں بھی دیں اور اینٹ سے اینٹ بجانے کا کہا-
