کراچی، (اسٹاف رپورٹر) محکمہ تعلیم سندھ نے صوبے بھر کے تمام تعلیمی اداروں میں موسمِ سرما کی تعطیلات کا اعلان کر دیا ہے۔
جاری کردہ نوٹیفکیشن کے مطابق سندھ بھر کے سرکاری و نجی اسکولز اور کالجز میں 22 دسمبر سے 31 دسمبر تک سردیوں کی تعطیلات ہوں گی۔
کالج ایجوکیشن ڈپارٹمنٹ کے مطابق تمام کالجز میں چھٹیاں ہوں گی، تاہم انٹر سال اول و دوئم کے ضمنی امتحانات تعطیلات کے دوران ہی اپنے مقررہ شیڈول کے مطابق منعقد کیے جائیں گے۔
تمام سرکاری و نجی کالجز کو ہدایت جاری کی گئی ہے کہ وہ نوٹیفکیشن پر مکمل عملدرآمد یقینی بنائیں۔
