میاں چنوں ڈی پی ایس اسکول کی انتظامیہ کی غفلت اور لاپرواہی اور ناقص سکیورٹی انتظامات کی وجہ سے ایک طالب علم اپنی موٹرسائیکل سے ہاتھ دھو بیٹھا

میاں چنوں (رپورٹ: شاہد عباس سیال) میاں چنوں کے ڈی پی ایس اسکول کے باہر موجود موٹر سائیکل سٹینڈ سے حسان ساجد ولد ساجد احمد سکنہ غلہ منڈی میاں چنوں کا 125 موٹر سائیکل غائب ہوگیا جس پر انتظامیہ کی طرف سے ایک شخص نوید لک نامی کو بطور سپروائزر مامور کیا گیا جس کی نگرانی میں ہی موٹر سائیکل چوری ہوگیا۔ طالب علم کے اہل خانہ نے جب اسکول انتظامیہ سے رابطہ کیا تو اسکول انتظامیہ نے الٹا طالب علم اور اس کے اہل خانہ پر ہی دباؤ ڈال دیا اور سکول انتظامیہ کوئی بھی ذمہ داری قبول کرنے سے گریزاں ہے۔ تاہم طالب علم کی طرف سے اسکول انتظامیہ اور سپروائزر موٹر سائیکل اسٹینڈ کے خلاف درخواست برائے حصول کاروائی تھانہ سٹی میاں چنوں میں گزار دی گئی۔ بتایا جاتا ہے کہ اسکول انتظامیہ کی طرف سے اسکول کے باہر موٹر سائیکل اسٹینڈ پر نہ ہی سکیورٹی کیمرہ جات نصب ہیں اور نہ ہی سکیورٹی کا کوئی مناسب انتظام ہے۔