خواتین کے عالمی دن پر آرم ریسلنگ چیمپئن شپ کا میلہ آج سجے گا، پروفیسر رابعہ منیر اور اسسٹنٹ کمشنر ضلع وسطی فاطمہ صائمہ احمد چمپین شپ کا افتتاح کریں گی

کراچی (رپورٹ: ذیشان حسین) سندھ آرم ریسلنگ ایسوسی ایشن پاکستان اسپورٹس اینڈ کلچر سوسائٹی کی زیر اہتمام سجاس اور پاکستان اسکول اسپورٹس اولمپک کے تحت خواتین کے عالمی دن کے موقع پر خواتین کے آرم ریسلنگ مقابلے 9 مارچ کو گورنمنٹ ڈگری گرلز کالج لائنز ایریا میں منعقد ہوگا۔ کالج کی پرنسپل پروفیسر رابعہ منیر اور اسسٹنٹ کمشنر ضلع وسطی فاطمہ صائمہ احمد ربن کاٹ کر چمپین شپ کا افتتاح کریں گی۔ مہمان خاص سندھ اولمپک ایسوسی ایشن کے سیکرٹری احمد علی راجپوت، نائب صدر انجینئر محفوظ الحق، اصغر بلوچ، انتصار حیدر، سعید عالم، سینئر نائب صدر رمیز صدیقی، راشد احمد، ڈپٹی ڈائریکٹر ندیم خان، گوہر رضا، سجاس کے سیکرٹری اصغر عظیم اور صدر آصف خان، مقصود احمد، قمر خان، جنید احمد راجپوت، ذیشان حسین، علی یاور، معین الدین، سابق انٹرنیشنل ہاکی پلیئر ماہیہ معین، سید محمّد ناصر علی، ریحان اکرم، کاشف احمد فاروقی، ڈاکٹر عارف حفیظ، عارف وحید، احمد دین، احسن خان، سلمان اسماعیل، شہلا افتخار، مہرین اکرم، و دیگر ہوں گے۔ آرگنائزنگ سیکرٹری عظمیٰ شیخ ہوگی۔ چیمپئن شپ کی تمام تر تیاری مکمل ہے۔