میرپورخاص (رپورٹ: ایم ہاشم شر) میرپورخاص گزشتہ روز مدرسہ حیدر کرارؓ خیابان یعقوب میں مدارس اور اسکول کے طلبہ کے درمیان ایک تقریری مقابلہ منعقد ہوا جس میں میرپورخاص کے مختلف مدارس اور اسکول کے طلبہ نے حصہ لیا آخر میں سنی رابطہ کونسل ضلع میرپورخاص کے صدر قاری عبدالرشید، حافظ احتشام الحق، مولاناعبدالمجید اور دیگر مہمانوں نے خطاب کرتے ہوئے کہا کہ مدارس اور اسکول کے طلبہ کے درمیان تقریری مقابلوں کے اس مشترکہ پروگرام کا انعقاد خوش آئند ہے مدارس اور اسکول کے طلبہ درمیان دوریاں ختم کرنے کی ضرورت ہے۔ انہوں نے کہا کہ دینی اور دنیاوی تعلیم حاصل کرنا ہر مسلمان کی ذمہ داری ہے اس لیئے مدارس اور اسکول کے طلبہ کو اپنا رشتہ قائم کرنا ہوگا۔ مدارس اور اسکول کے اشتراک ہی سے ہمارا ملک ترقی کے راستے پر گامزن ہوگا۔ اس موقع پر چیئرمین بلدیہ انجینئر کامران شیخ، وائس چیئرمین فرید احمد سمیت علماء کرام بھی موجود تھے اور آخر میں طلباء میں مہمانوں نے انعامات بھی تقسیم کیئے۔
