کینیڈا/ وینکوور(بیورو رپورٹ) پاکستانی کینیڈین کمیونٹی ایسوسی ایشن کا اجلاس منعقد ہوا جس میں صدر خالد چوہان، نائب صدر و ڈائریکٹرز نے شرکت کی اس اجلاس میں کشمیریوں اور ہندوستان میں مسلمانوں پر ہونے والے ظلم پر تشویش کا اظہار کیا گیا۔ پی سی سی اے نے زور دیا کے انڈیا کو ان معاملات کو جلد سے جلد روکنا چاہیے کیونکہ یہ جو سب ہو رہا ہے انسانی حقوق کی خلاف ورزی ہے، دین اسلام صرف امن کا پیغام دیتا ہے اسلام اور مسلمان ہر مذہب کا احترام کرتا ہے انڈیا کی موجودہ صورت حال سے یہ نہ ہو کہ ہندو مسلم فسادات پورے ہندوستان میں پھوٹ پڑیں۔ پاکستانی کینیڈین کمیونٹی ایسوسی ایشن ہر رنگ مذہب کے لوگوں کی مدد کرتی ہے اور ہم لوگ صرف امن کے لئے کام کر رہے ہیں اور امن کو ہی فروغ دیتے ہیں۔
