سیالکوٹ (رپورٹ: سیدہ نزہت شہناز) اسسٹنٹ کمشنر سیالکوٹ جویریہ مقبول رندھاوا کے مختلف میرج ہالز پر اچانک چھاپے، ون ڈش کی خلاف ورزی پر الیاس مارکی اور سحر پیلس میرج ہال گوہد پور کو ایک، ایک لاکھ روپے جرمانے کئے۔ اے سی جویریہ مقبول رندھاوا نے کہا کہ میرج فنکشن ایکٹ کی خلاف ورزی پر انتظامیہ حرکت میں آئے گی اور بھاری جرمانوں کے علاوہ ایف آئی آر بھی درج کروائی جائیں گی۔ انہوں نے میرج ہالز کے منتظمین کو ہدایت کی کہ وہ ذمہ داری کا مظاہرہ کریں اور ون ڈش اور اوقات کار پر سختی سے کاربند رہیں بصورت دیگر قانون کے مطابق بلا امتیاز کارروائی عمل میں لائی جائے گی اور کسی وے رو رعایت نہیں برتی جائے گی۔ اسسٹنٹ کمشنر نے میرج ہالز کے کچن اور بوفے کا معائنہ بھی کیا۔
