میرپورخاص (رپورٹ: ایم ہاشم شر) میرپورخاص میں سود خوروں نے گھر کے گھر اجاڑ دیئے۔ سود خور کے ظلم سے تنگ آکر سول ہسپتال میرپورخاص کے خاکروب ارشد ولد انور مسیح نے زہر پی کر خودکشی کی کوشش کی جس کو انتہائی تشویشناک حالت میں سول ہسپتال میرپورخاص منتقل کیا گیا۔ میرپورخاص سول ہسپتال کے تمام ملازمین خصوصا سنیٹری ورکرز، ریلوے، بلدیہ سمیت چھوٹے کم تنخواہ دار سرکاری ملازمین شہر کے نامور سود خوروں کی جکڑ میں اپنا سب کچھ لٹاکر بھی سود کا قرضہ نہ اتار سکے۔ میرپورخاص میں سود خوروں کی بڑھتی ہوئی تعداد حکومت کی رٹ کو چیلنج کرنے کے ساتھ سود پر اپنا بینکنگ نظام چلا رہے ہیں۔ سود خوروں کے خلاف قانون پاس ہونے کے باوجود بھی کاروائی عمل میں نہی لائی جارہی ہے۔
