میرپورخاص (رپورٹ: ایم ہاشم شر) کھپرو کے علاقے بھٹ بھائٹی کی رہائشی دو سگی بہنوں نے بھی اپنے ہمسفر اپنے قریبی عزیز دو سگے بھائیوں کو چن لیا۔ مصری بھیل اور حمید بھیل نے اپنے قریبی رشتے داروں دو سگی بہنوں چاندی اور کملی سے کورٹ میرج کی تو لڑکیوں کے ورثاء نے انہیں ڈسٹرکٹ اینڈ سیشن کورٹ میرپورخاص کے سامنے سے لڑکیوں کو اغوا کی کوشش کی جسے پولیس نے ناکام بنا دیا۔ لڑکیوں کو وومین پولیس اسٹیشن اور انکے شوہروں کو ٹاؤن تھانے میں پولیس نے حفاظتی تحویل میں لے لیا ہے۔ دونوں جوڑوں کو کل عدالت میں پیش کیا جائے گا۔
