کراچی (رپورٹ: ذیشان حسین) کراچی میں تالا توڑ گروپ نے تھانہ مدینہ کالونی کا رخ کرلیا۔ تفصیلات کے مطابق تھانہ مدینہ کالونی کی حدود 24 کی مارکیٹ میں واقع شالیمار کلاتھ مارکیٹ میں رات گئے تالا توڑ گروپ نے دو دوکانوں کے تالے توڑ کر کپڑا اور گتا چوری کرلیا۔ دوکاندار علی رضا نے بتایا کہ صبح جب میں دوکان کھولنے آیا تو دیکھا کہ دوکان کے تالے ٹوٹے ہوئے ہیں سامان چیک کیا تو ابتدائی طور پر دوکان سے 2 لاکھ روپے سے زائد مالیت کا سامان غائب تھا اسکے ساتھ دوسری دوکان جس میں صرف گتہ موجود تھا اس میں سے گتہ چوری کیا گیا۔ دوکاندار حضرات کا کہنا ہے کہ رات دیر کو اس مارکیٹ میں منشیات کے عادی افراد نشہ کرتے ہیں۔
