مردان میڈیکل کمپلیکس کے ڈاکٹروں کی غفلت آپریشن کے دوران خاتون کے پیٹ میں کپڑا چھوڑ دیا

مردان (رپورٹ: اصغر خان) مردان میڈیکل کمپلیکس کے ڈاکٹروں کی غفلت آپریشن کے دوران خاتون کے پیٹ میں کپڑا چھوڑ دیا۔ متاثرہ خاتون کے شوہر کا موقف ہے کہ کپڑا چھوڑنے کے انکشاف پر ہسپتال سے رجوع کیا تو ہڑتال کا بہانا کرکے ٹرخاتے رہے مجبوری کی حالت میں پرائیویٹ ڈاکٹر سے آپریشن کروا کر کپڑا نکال لیا۔ غریب آدمی ہوں ڈیڑھ لاکھ روپے خرچ ہوئے کون دیگا؟ مردان میڈیکل کمپلیکس ڈاکٹروں کی غفلت و لاپرواہی سے میری اہلیہ کی زندگی کو شدید خطرات لاحق ہوگئے، حکومت فوری طور پر نوٹس لے۔ جبکہ ہسپتال انتظامیہ کا موقف ہے کہ مریضہ کی جانب سے شکایت ملنے پر تحقیقات کرینگے اور غفلت کے مرتکب ڈاکٹرز کے خلاف کاروائی ہوگی۔