نیپال (مانیٹرنگ ڈیسک) نیپال کے دارالحکومت کھٹمنڈو میں رات گئے تین بم دھماکوں کے بعد سیکیورٹی ہائی الرٹ کردیا گیا۔ دھماکوں میں چار افراد جاں بحق اور سات زخمی ہوئے تھے۔۔پولیس نےدھماکوں کے شبہ میں 12افراد کو گرفتار کرلیا ہے۔ کھٹمنڈو پہلا دھماکا شہر کے اندر ایک مکان میں کیا گیا تھا۔ دوسرا دھماکا شہر کے نواح میں ایک دکان میں ہوا جبکہ تیسرا دھماکہ اینٹوں کی بھٹیوں میں کیا گیا تھا۔ پولیس نے دھماکوں میں باغیوں کے ملوث ہونے کا شک ظاہر کیا ہے۔ پولیس کے مطابق جس مکان میں دھماکا ہوا تھا وہاں سے باغیوں کاایک پمفلٹ ملا ہے۔ پولیس نے12مشتبہ افراد کو گرفتار کرکے تحقیقات کا آغاز کردیا ہے جبکہ دھماکوں کی ذمہ داری کسی بھی گروپ نے قبول نہیں کی ہے۔ تاہم نیپال میں دھماکوں کے خوف کے باعث اسکول اور بازار سب بند ہیں۔
