اسلام آباد (بیورو رپورٹ) پیپلز پارٹی کے رہنما قمر زمان کائرہ نے لطیف کھوسہ کو گاڑی کو گاڑی احتساب عدالت کے دروازے پر لے جانے سے روکے جانے پر ردعمل دیتے ہوئے کہا ہے کہ وکلا عدالتوں میں نہیں آئیں گے تو کیس کیسے لڑیں گے؟ حیران ہیں یہاں ہم 5 لوگ آئے ہیں اور 5 ہزار سیکیورٹی اہلکار کھڑے ہیں۔ احتساب عدالت کے باہر میڈیا سے گفتگو کرتے ہوئے قمر زمان کائرہ نے کہا کہ ہم عدالتوں سے قتل ہوکر بھی عدالتوں کا سامنا کرتے اور پیش ہوتے ہیں، انہوں نے کہا کہ عمران خان ہمیں دھرنے میں کنٹینر دینے کی دعوت دے رہے ہیں، اگر کال دی اور دھرنا دینے آگئے تو پھر کیا ہوگا، اگر دھرنے کی کال دی تو پھر حکومت کیلئے بہت مشکل ہوجائے گی۔
