میرپورخاص (رپورٹ: ایم ہاشم شر) پاک فوج کے ساتھ اظہار یکجہتی کے لئے ڈسٹرکٹ ایجیوکیشن پرائمری آفیسر میرپورخاص نوید عالم ابڑو کی قیادت میں اساتذہ اور اسکول کے بچوں کے ساتھ ریلی نکالی۔ ریلی ڈی او پرائمری آفس سے نکالی گئی۔ ڈی او نوید عالم ابڑو نے پوسٹ آفس چوک پر سرعام ٹھیلے پر لیٹ کر خون کی بوتل کا عطیہ دیا اور کہا کہ میں خود اپنے تین بچوں احمد، عبدالودود اور داؤد سمیت اس ملک کے لیئے اپنی جان کا نذرانہ پیش کرتا ہوں اس وطن عزیز کے لیئے میں میرے بچے قربان۔ اسکول کے بچوں کو دشمن سے نمٹنے کے لیئے ٹریگر چلانا سکھائیں گے قلم ملک کی خدمت کے لیئے اسلحہ دشمن کو منہ توڑ جواب دینے کے لیئے ہوگا۔ انہوں نے ایوان صحافت میرپورخاص کی ٹیم سے بات چیت کرتے ہوۓ کہا کہ میں اپنے ضلعی کے تمام اساتذہ آفیسرز سے ملکر آج سے خون کے عطیات نکالنے کی مہم شروع کر رہے ہیں ہمارا بچہ بچہ اس ملک کی بقا کے لیئے پاک فوج کے جوانوں کے شانہ بشانہ کھڑے ہیں۔
