میرپورخاص (رپورٹ: ایم ہاشم شر) ایس ڈی او حیسکو سب ڈویژن میرواہ گورچانی غلام نبی ملک گزشتہ روز اپنی مدت ملازمت پوری ہونے کے بعد ریٹائرڈ ہوگئے انہوں نے حیسکو میں چالیس برس گیارہ ماہ تک اپنے فرائض نہایت ہی دیانت داری کے ساتھ سر انجام دیئے غلام نبی ملک کی ریٹائرمنٹ کے موقع پر پاکستان واپڈا ہائیڈرو الیکٹرک ورکرز یونین سب ڈویژن میرواہ گورچانی کے چیئرمین غلام رسول عباسی، میرواہ گورچانی کے نوجوان سماجی رہنما محمد عامر قائم خانی، محمد اسماعیل خلجی، بابو سعید عباسی، بابو تاسین راجپوت اور دیگر ایس ڈی او غلام نبی ملک کو سندھ کے روایتی تحائف سندھی ٹوپی اور اجرک پش کئے اس موقع پر ہائیڈرو یونین میرواہ گورچانی کے چیئرمین غلام رسول عباسی نے کہا کہ ہم نے ایس ڈی او غلام نبی ملک کو ہمیشہ ورکرز دوست افسر پایا انہوں نے ہمیشہ حیسکو کے محنت کشوں کے ہر جائز مطالبات مانے اور ان کا تحفظ کیا انہوں نے کہا کہ ایس ڈی او غلام نبی ملک سے ہمیں بہت کچھ سیکھنے کا موقع ملا ان کی خدمات کو ہمیشہ یاد رکھا جائے گا انہوں نے کہا کہ اتوار 2 مارچ کو ان کے اعزاز میں ایک شاندار تقریب اور عشائیے کا انعقاد کیا جائے گا۔
