گجرات (رپورٹ: مرزا عادل رحمان) وزیر صحت پنجاب ڈاکٹر یاسمین راشد کا رات کے وقت عزیز بھٹی شہید ہسپتال گجرات اور تحصیل ہسپتال کھاریاں کا دورہ۔ وزیر صحت نے عزیز بھٹی شہید ہسپتال گجرات کے مختلف شعبوں اور وارڈز کا معائنہ کیا۔ ڈاکٹر یاسمین راشد کی ہسپتال انتظامیہ کو سردی کے موسم میں ایمرجنسی میں بیڈز کی تعداد بڑھانے کی ہدایت کی اور کہا کہ ایمرجنسی میں آنے والے ڈیلیوری کیسز کو آگے ریفر کرنے سے گریز کیا جائے۔ ہسپتالوں کے دورے میں غیر ضروری معطلی اور سرزنش کے کلچر کے حامی نہیں۔ مریضوں کی سہولت میں اضافہ ہمارا نصب العین ہے۔ طبی سہولتوں میں بہتری کے لئے ٹیم ورک پر یقین رکھتے ہیں۔ ضلعی افسروں کے علاوہ منتخب نمائندے بھی طبی مراکز کے دورے کریں۔
