نوشہرہ (رپورٹ: اصغر خان) نوشہرہ رسالپور پولیس نے 13 سالہ بچے کیساتھ زیادتی کی کوشش کرنے والا مدرسہ کے قاری کو چند گھنٹوں میں گرفتار کرلیا۔ تفصیلات کے مطابق شرین کوٹھے کے رہائشی (م) نے رسالپور پولیس کو رپورٹ درج کروائی کہ میرا 13 سالہ بیٹا مدرسہ میں قرآن شریف کا سبق پڑھتا ہے۔ گزشتہ شب وہ دیگر طلباء کیساتھ سویا ہوا تھا کہ مدرسے کے قاری نے تقریباً نصف شب جگایا اور نازیبا حرکات اور بدفعلی کی کوشش کی۔ لیکن میرے بیٹے نے منع کیا۔ ڈسٹرکٹ پولیس افیسر کاشف ذوالفقار نے اس وقوعہ کا نوٹس لیتے ہوئے فوری طور پر اے ایس پی کینٹ بلال احمد کی سربراہی میں ایس ایچ او ارشد خان رسالپور پر مشتمل ٹیم تشکیل دیکر ملزم کی جلد از جلد گرفتاری کا ٹاسک حوالے کیا۔ پولیس تفتیشی ٹیم نے فوری طور پر ملزم کی گرفتاری کیلئے کوششیں شروع کر دی۔ چند گھنٹوں کے اندر ملزم تک رسائی حاصل کرتے ہوئے وسیم سجاد ولد محمد سلطان ساکن رشکئی کو گرفتار کر لیا گیا۔
