ڈیرہ اسماعیل خان (رپورٹ: گوہر غنچہ) نیشنل لیبر فیڈریشن کے مرکزی چیف پیٹرن سمیع اللہ خان کی قیادت میں پی ٹی سی ایل ورکرز یونین کے وفد نے ڈسٹرکٹ پولیس آفیسر ڈیرہ واحد محمود سے ملاقات کی۔ وفد میں عطاءالرحمن، امتیاز احمد، عابد حسین، جمشید اور وحید الحسن شامل تھے۔ وفد نے نو تعینات ڈی پی او کو خوش آمدید کہا اور انہیں پھولوں کا گلدستہ پیش کیا اور ہار پہنائے۔ ڈسٹرکٹ پولیس آفیسر کیپٹن (ر) حافظ واحد محمود نے کہا کہ عوام کو جرائم پر قابو پانے اور تھانوں میں بہتر ماحول نظر آۓ گا۔ عوام بھی مسائل کے حل میں پولیس کے دست و بازو بنیں کیونکہ عوام کی مدد کے بغیر مسائل پر قابو نہیں پایا جاسکتا۔ انہوں نے کہا کہ عوام کو انصاف کی فراہمی کیلئے خوف خدا کے جذبے سے اپنے فرائض سرانجام دینگے، منشیات ، جواء اور سود خوری کے معاملات پر کسی قسم کا کوئی سمجھوتہ نہیں کیا جائے گا، سود خوروں کو ہتھکڑیاں لگا کر انصاف کے کٹہرے میں لائینگے، کارکن کسی بھی ادارے میں ریڑھ ہڈی کی حیثیت رکھتے ہیں۔
