سرگودھا (ویب ڈیسک) رشتے کے تنازع پر فائرنگ سے انیس سالہ لڑکی جاں بحق ہوگئی۔ مقتولہ پھولاں شہزادی کی دو دن بعد شادی تھی۔ فائرنگ کا واقعہ سرگودھا کے نواحی علاقے کوٹلہ فتح خان میں پیش آیا۔ پولیس کے مطابق مقتولہ پھولاں بی بی اپنے بھائی کے ساتھ موٹر سائیکل پر جارہی تھی کہ اس کے رشتے دار مبشر نے اس پر اندھا دھند فائرنگ کردی۔ گولی لگنے سے پھولاں بی بی موقع پر ہی دم توڑ گئی۔ واقعے کے بعد ملزم اپنے ساتھی کے ہمراہ فرار ہونے میں کامیاب ہوگیا۔ پولیس نے لاش کو پوسٹ مارٹم کے لئے ہسپتال منتقل کردی ہے جبکہ ملزمان کی تلاش جاری ہے۔
