کوئٹہ (رپورٹ: شاہد عمران چشتی) کوئٹہ سے 14 اگست کو لاپتہ ہونے والے نوجوان کو نامعلوم افراد نے قتل کرکے لاش قلعہ عبداللہ میں پھینک دی۔ نوجوان کی شناخت غوث اللہ ولد کریم آغا کے نام سے ہوئی۔ لیویز ذرائع کے مطابق نوجوان کا تعلق کوئٹہ کے علاقے شیخ ماندہ سے بتایا جاتا ہے۔ نوجوان کو گولیاں مارکر قتل کیا گیا عمر 18 سال کے لگ بھگ ہے۔ اطلاع ملتے ہی اسسٹنٹ کمشنر کے حکم پر لیویز تھانہ میزئی اڈہ کے انچارج محمد نسیم اچکزئی نے نفری کے ہمراہ لاش قبضے میں لیکر ہسپتال منتقل کردی۔ انتظامیہ مزید تفتیش کر رہی ہے۔
