ڈیرہ اسماعیل خان (رپورٹ: گوہر غنچہ) تھانہ کینٹ کی حدود ملتان روڈ مریالی موڑ کے قریب کار اور چنگ چی میں تصادم، چنگ چی ڈرائیور بیوی سمیت شدید زخمی ہوگیا، زخمی میاں بیوی کو ہسپتال منتقل کردیا گیا۔ قریشی موڑ کے رہائشی نورعالم ولد موتل خان چنگ چی پر اپنی بیوی شہناز بی بی کے ساتھ جارہا تھا کہ مریالی موڑ کے قریب تیز رفتار کار کی ٹکر سے وہ دونوں شدید زخمی ہوگئے، دونوں زخمی میاں بیوی کو طبی امداد کے لئے ہسپتال منتقل کردیا ہے۔ پولیس نے واقعہ کا مقدمہ درج کرلیا۔
