کراچی (رپورٹ: ذیشان حسین) سندھ نرسز الائنس کا صوبے بھر کے ہسپتالوں میں پیر 27 مئی سے ٹوکن ہڑتال و احتجاج کا اعلان۔ تفصیلات کے مطابق سندھ نرسز الائنس کا اجلاس جمعے کو حیدرآباد میں منعقد ہوا جس میں نرسوں کی بڑی تعداد نے شرکت کی۔ اجلاس سے اعجاز علی کلیری، عطا حسین راجپر، ہیرا لعل و دیگر نے خطاب کیا۔ اجلاس میں اعلان کیا گیا کہ مطالبات کے لئے دیا گیا وقت پورا ہونے کے باوجود مطالبات پورے نہیں کیے گئے۔اس لئے سندھ نرسز الائنس کے تمام مرکزی، ڈویژنل، یونٹ کے عہدیداران کو ہدایت دی جاتی ہے کہ پیر27 مئی سے صوبے بھر کے نرسز اپنے اپنے ہسپتالوں میں صبح 8 بجے سے دوپہر 11 بجے تک ٹوکن ہڑتال و احتجاج کریں۔
