کراچی (رپورٹ: ذیشان حسین) سابق گورنر ڈاکٹر عشرت العباد کے بھائی عامرالعباد کو چیک باؤنس کے مقدمے میں گرفتار کرلیا گیا۔ تفصیلات کے مطابق پولیس نے سابق گورنر سندھ ڈاکٹر عشرت العباد کے بھائی عامر العباد کو گلستان جوہر سے گرفتار کرلیا۔ پولیس حکام کے مطابق عامرالعباد کو چیک باؤنس ہونے کے مقدمے میں گرفتار مقدمے کی ایف آئی آر پرگرفتار کیا گیا ہے۔عامرالعباد کے خلاف چند روز قبل سٹی کورٹ تھانے میں وکیل طارق نیازی نے چیک باؤنس کا مقدمہ درج کروایا تھا۔ مقدمے میں وکیل نے بتایا کہ عامرالعباد نے 40 لاکھ کا چیک دیا جو باؤنس ہوگیا تھا۔ پولیس حکام کے مطابق عامرالعباد کو گرفتار کرکے تھانے منتقل کردیا ہے جہاں ان سے تفتیش جاری ہے۔
