تہران (مانیٹرنگ ڈیسک) ایران نے کہا ہے کہ امریکہ کے ساتھ کسی طرح کی جنگ نہیں ہو رہی ہے۔ سرکاری حکام سے گفتگو کرتے ہوئے ایران کے رہبر اعلیٰ آیت اللہ علی خامنہ ای نے کہا کہ ایران اور امریکہ کے درمیان فوجی مقابلے کی بجائے جذبے اور عزم و حوصلے کا امتحان ہے۔ انہوں نے کہا کہ دونوں ممالک جنگ نہیں چاہتے اور جانتے ہیں کہ جنگ اُن کے مفاد میں نہیں ہے۔ ادھر امریکی وزیر خارجہ مائیک پامپیو نے روس کے دورے کے دوران سوچی میں کہا کہ امریکہ ایران سے فوجی محاذ آرائی نہیں چاہتا۔
