ٹنڈو آدم (رپورٹ: رضوان احمد غوری) گھر پہنچے کی آس میں 44 سالہ شخص موت کے منہ میں جا پہنچا مال بردار ٹرین کی زد میں آکر زندگی کی بازی ہارنے والا شخص دو بچوں کا باپ تھا نعش گھر پہنچے پر کہرام مچ گیا، تفصیلات کے مطابق ٹنڈوادم کے علاقے جیلانی اسٹریٹ کے 44 سالہ رہائشی شہزاد احمد منصوری کام کے سلسلے میں حیدرآباد گیا تھا کہ گزشتہ رات ٹنڈو آدم آنے کے لیے مال بردار ٹرین میں بیٹھ گیا ٹرین کا اسٹاپ نہ ہونے کی وجہ سے مقتول نے پلیٹ فارم نمبر 1 پر اسٹیشن ماسٹر کے آفس کے سامنے چلتی ٹرین سے چھلانگ لگانے کی کوشش کی جس پر مرحوم کا پاؤں سلپ ہونے سے ٹرین کے نیچے آگیا جس کے سبب جسم کے ٹکڑے ہوگئے اور موقع ہی پر جاں بحق ہوگیا، مرحوم کی نعش کو ابتدائی کاروائی کے بعد تعلقہ اسپتال روانہ کردیا گیا بعد ازاں نعش لواحقین کے حوالے کردی گئی لاش گھر پہنچے پر کہرام مچ گیا ہر آنکھ عشق بار تھی بتایا جارہا ہے کہ مرحوم دو بچوں کا باپ تھا مرحوم کو سینکڑوں سوگواروں کی موجودگی میں آہوں اور سسکیوں میں مقامی قبرستان میں سپرد خاک کر دیا گیا۔
