میرپورخاص (رپورٹ: ایم ہاشم شر) اسپیکر سندھ اسمبلی آغا سراج درانی کی نیب حکام کی جانب سے گرفتاری کے خلاف پاکستان پیپلز پارٹی خواتین ونگ کی جانب سے احتاجی ریلی و دھرنا۔ ممبر قومی اسمبلی و پاکستان پیپلز پارٹی میرپورخاص لیڈیز ونگ کی صدر شمیم آرا پہنور کی قیادت میں پاکستان پیپلز پارٹی کی دو سو سے زائد لیڈیز کارکنان کی احتجاجی ریلی نکالی گئی۔ ریلی رکشوں چنگچیوں میں گھومتی ہوئی پریس کلب پر پہنچی۔ مظاہرین کا کہنا تھا کہ نیب بلیک میلنگ پر اتر آیا ہے ‘ نیب اہلکاروں نے آغا سراج درانی کے گھر میں زبردستی گھس کر سات گھنٹے تک خواتین کو ہراساں کیا گھر کی چادر چار دیواری کو پامال کیا۔ سندھ کے ساتھ سوتیلی ماں والا سلوک بند کرو آغا سراج درانی کو رہا کرو خواتین مظاہرین کا مطالبہ۔
