ڈیرہ اسماعیل خان (رپورٹ: گوہر غنچہ) خیبر پختونخوا فوڈ سیفٹی اینڈ حلال فوڈ اتھارٹی نے موبائل ایپلی کیشن متعارف کرادی ہے جس کی مدد سے شہری اپنے موبائل فون کی مدد سے شکایات درج کرسکیں گے اور اپنی شکایات کے ازالے سے متعلق تفصیلات بھی حاصل کرسکیں گے۔ فوڈ اتھارٹی نے صوبے میں اشیاء خورد و نوش سے منسلک تاجروں کے لئے الیکٹرنک لائسنسز کا اجراء بھی کر دیا ہے جس کی مدد سے آن لائن لائسنس حاصل کیے جاسکیں گے ۔ فوڈ اتھارٹی کے ترجمان کے مطابق گزشتہ سات ماہ کے دوران چھ لاکھ ٹن سے زائد مضر صحت خوراک تلف کی گئی جبکہ 23 ہزار دکانوں، کارخانوں اور کینٹینوں کا معائنہ بھی کیا گیا ہے۔ انہوں نے بتایا کہ فوڈ اتھارٹی نے اب موبائل ایپ بھی لانچ کردی ہے جس کی مدد سے ہر شہری اپنے موبائل کی مدد سے شکایات درج کرسکتے ہیں جبکہ کسی بھی مقام کی تصاویر بھی اپ لوڈ کی جاسکیں گی۔
