پاکستانی کیوسٹس کی عالمی اسنوکر چیمپئن شپ میں شاندار کارکردگی

بحرین، منامہ (اسپورٹس رپورٹر) آئی بی ایس ایف ورلڈ ماسٹرز، انڈر 17، انڈر 21 اور مینز 6 ریڈ اسنوکر چیمپئن شپ 2025 میں پاکستانی کھلاڑیوں نے متاثرکن کارکردگی دکھائی تفصیلات کے مطابق بحرین کے دارالحکومت منامہ میں جاری ایونٹ میں انڈر 21 کیٹیگری میں حسنین اختر پری کوارٹر فائنل میں براہ راست پہنچے، جبکہ احسن رمضان نے ابتدائی مرحلے میں بھارتی کھلاڑی شاہین رازمی کو 3-2 سے شکست دی 6 ریڈ ایونٹ میں شاہد آفتاب نے اسکاٹ لینڈ کے ایان اقبال کو 4-1 سے مات دی، جبکہ احسن رمضان، حسنین اختر اور محمد آصف کو اپنے میچز میں شکست کا سامنا کرنا پڑا۔ راؤنڈ روبن مرحلے کے اختتام پر محمد آصف، شاہد آفتاب اور احسن رمضان نے ناک آؤٹ مرحلے کے لیے کوالیفائی کر لیا پاکستانی کھلاڑیوں کی کارکردگی مداحوں کی امیدوں پر پورا اتر رہی ہے، اور توقع ہے کہ وہ اگلے مرحلوں میں بھی کامیابی کا سفر جاری رکھیں گے۔