کراچی، (رپورٹ، ذیشان حسین) وزیر کھیل سندھ سردار محمد بخش خان مہر نے صدر مملکت اور پاکستان پیپلز پارٹی کے شریک چیئرمین آصف علی زرداری کو 70ویں سالگرہ پر دلی مبارکباد پیش کی ہے۔
انہوں نے کہا کہ صدر آصف علی زرداری کی سیاسی بصیرت، مفاہمت کی پالیسی اور جمہوریت کے استحکام کے لیے ان کی خدمات قوم کے لیے مشعلِ راہ ہیں۔ سردار محمد بخش مہر نے کہا کہ 18ویں آئینی ترمیم کے ذریعے صوبوں کو بااختیار بنانا صدر زرداری کا ایک تاریخی کارنامہ ہے، جس نے وفاق کو مضبوط کیا اور پارلیمان کو بااختیار بنایا۔
وزیر کھیل کا مزید کہنا تھا کہ صدر آصف علی زرداری نے پاکستان میں برداشت، مفاہمت اور ہم آہنگی کی سیاست کو فروغ دیا۔ اُن کی قیادت میں صوبوں کو اُن کے آئینی حقوق ملے، اور پاکستانی وفاق کی مضبوطی کو نئی جہت ملی۔
سردار محمد بخش مہر نے صدر آصف علی زرداری کی درازی عمر، صحت اور مزید کامیابیوں کے لیے دعا بھی کی۔
