کراچی (نوپ نیوز) بلدیہ کیماڑی میں رہائش پذیر عوام کو بہترین بلدیاتی سہولیات کی فراہمی کو یقینی بنانے کیلئے بلدیاتی افسران باہمی مشاورت اور مربوط حکمت عملی سے فرائض کی انجام دیہی کو یقینی بنائیں۔ ان خیالات کا اظہار ایڈمنسٹریٹر بلدیہ کیماڑی فیض محمد شیخ تجاوزات کے خاتمے کے حوالے سے بلدیاتی افسران کے اجلاس کی صدارت کرتے ہوئے کیا۔ ایڈمنسٹریٹر نے بلدیاتی افسران کوہدایات دیتے ہوئے کہا کہ بلدیہ کیماڑی کی حدود میں تجاوزات کے خاتمے کو جلد از جلد ممکن بنائیں۔ انہوں نے گفتگو کرتے ہوئے کہا کہ تجاوزات کی وجہ ٹریفک کی روانی بر ی طرح متاثر ہوتی ہے جبکہ برسات کے دوران بھی تجاوزات کی وجہ سے برساتی پانی کی نکاسی میں مشکلات کا سامنا کرنا پڑتا ہے۔
انہوں نے کہا کہ مین شاہراہوں سے ٹھیلے پتھاروں اور نالوں کے اطراف سے تجاوزات کے خاتمے کو یقینی بنائیں اجلاس میں موجود بلدیاتی افسران نے ایڈمنسٹریٹر کو بلدیہ کیماڑی کی حدود میں تجاوزات کے خاتمے کیلئے کیئے جانے والے اقدامات کے بارے میں بریفنگ دیتے بتایا کہ دستیاب وسائل کو بروئے کار لاکر افسران و عملہ شب و روز جدوجہد میں مصروف عمل ہیں۔
