راولپنڈی (بیورو رپورٹ) پنڈ دادن خان میں زائرین کی بس حادثے کا شکار ہوگئی جس کے نتیجے میں 37 افراد زخمی ہوگئے۔ ریسکیو ذرائع کے مطابق زائرین کی بس کو حادثہ تیز رفتاری کے باعث پیش آیا جس کے بعد زخمیوں کو رورل ہیلتھ سینٹر لیلہ منتقل کیا گیا جبکہ 2 شدید زخمیوں کو راولپنڈی اور 5 کو جہلم منتقل کردیا گیا ہے۔ ریسکیو ذرائع کا کہنا ہے کہ مسافر بس میں سوار زائرین آزاد کشمیر سے لیلہ کے قریب پیر کھارا دربار جا رہے تھے۔
