کراچی (نوپ نیوز) صدر پاکستان ہاکی فیڈریشن برگیڈیئر رخالد سجاد کھوکھر اور سیکریٹری جنرل پی ایچ ایف اولمپین آصف باجوہ نے اسپورٹس جرنلسٹس ایسوسی ایشن سندھ (سجاس) کے نومنتخب صدر آصف خان، جنرل سیکرٹری شاہد عثمان ساٹی، محمود ریاض سینئر نائب صدر، مجاہد سولنگی اور عالم زیب نائب صدر، اصغر عظیم جوائنٹ سیکریٹری، جعفر حسین انفارمیشن سیکریٹری، شاہد انصاری سیکریٹری فنانس، مجلس عاملہ ممبران زبیر نذیر خان، عمر شاہین، علی حسن سمیت دیگر عہدیداران کو مبارکباد پیش کرتے ہوئے کہا ہے کہ سپورٹس جرنلسٹس سپورٹس کی ترجمانی میں ہمیشہ اہم کردار کرتے رہے ہیں اور سپورٹس کی منظر کشی سمیت مثبت سرگرمیوں کو اجاگر کرنے میں کلیدی کردار ادا کرتے رہے ہیں۔
انہوں نے کہا کہ اسپورٹس جرنلسٹس ایسوسی ایشن سندھ (سجاس) کھیلوں کی حقیقی ترجمانی اور کھیل اور کھلاڑی کے سافٹ امیج کو بہتر بنانے میں اپنا کلیدی کردار ادا کرتی رہی ہے۔ امید کرتے ہیں کہ اسپورٹس جرنلسٹس ایسوسی ایشن سندھ (سجاس) اپنی روایات و اقدار کی ترجمانی کرتے ہوئے کھیلوں کی کوریج کو مزید بام عروج پر لے کرجائیں گے۔
