لاہور (بیورو رپورٹ) پاکستان ریلوے نے عوام کی سہولت کے لیے کال سینٹر متعارف کروا دیا۔ ترجمان ریلوے کے مطابق کال سینٹر 24 گھنٹے سروس فراہم کرے گا اور کال سینٹر پر ریزرویشن اور بکنگ کے لیے کال کی جاسکتی ہے۔ ترجمان نے بتایا کہ پاکستان ریلوے کے کال سینٹر پر 31 جنوری سے 10 فروری تک تقریباً 9 ہزار شکایات سنی گئیں۔ واضح رہےکہ گزشتہ دنوں ریلوے کا ریزرویشن سسٹم خراب ہونے سے مسافروں کو ٹکٹوں کے حصول میں سخت مشکلات کا سامنا کرنا پڑا۔
